1. हौशी मराठी नाटक : द गेम (लेखक, दिग्दर्शक : श्री. मनोहर सोमण)
मुंबई केंद्रातून प्राथमिक फेरीत अमृत नाटय़ भारती आयोजित ‘द गेम’ या नाटकाला घवघवीत यश मिळाले असून या नाटकाची निवड अंतिम फेरीसाठी करण्यात आली आहे.

2. बालनाटय़ : अगुलेक्झाल (संकल्पना : श्री. प्रमोद पवार, लेखक : माधुरी भरत चव्हाण

3.दिग्दर्शक : प्राची सहस्त्रबुद्धे, सहदिग्दर्शक – विजय वारूळे)
राज्यनाटय़ स्पर्धेतील ‘अगुलेग्झाल’ या नाटकात बालनाटय़ शिबीरातील मुलांची निवड केली गेली. दि. 10 जानेवारी 2020 रोजी साहित्य संघ मंदिर येथे या नाटकाचे उत्तम सादरीकरण झाले.
संस्कृत नाटक : ‘पण्डितः अपण्डितः’ (लेखक डॉ. प्रसाद भिडे ,दिग्दर्शक : अभिप्राय पारकर) ‘पण्डितः अपण्डितः’ या नाटकाचे सादरीकरण शिवाजी मंदिर येथे झाले.
संगीत नाटक : संगीत स्वयंवर (लेखक : कृ. प्र. खाडिलकर,दिग्दर्शक : श्री. प्रमोद पवार)

4.संगीत नाटय़स्पर्धेतील ‘संगीत स्वयंवर’ या नाटकाचा स्पर्धेतील प्रयोग इचलकरंजी येथे सादर झाला. कृष्णाजी प्रभाकर खाडिलकर लिखित, पं. भास्करबुवा बखले यांचे संगीत असलेल्या अजरामर नाटकाच्या दिग्दर्शन, नेपथ्याची जबाबदारी श्री. प्रमोद पवार, संगीत मार्गदर्शक श्री.मकरंद कुंडले यांचे होते. या नाटकाच्या सादरीकरणासाठी द्वितीय पारितोषिक मिळाले. सर्वोत्कृष्ट गायनासाठी संपदा माने हीस रौप्य पदक, ओंकार प्रभुघाटे यास गायनासाठी गुणवत्ता प्रमाणपत्रे तसेच प्राची सहस्त्रबुद्धे आणि सुनील जोशी यांस अभिनयासाठी गुणवत्ता प्रमाणपत्रे मिळाली.

5. हिंदी नाटक : तुगलक (लेखक : गिरिश कर्नाड, दिग्दर्शक : अभिनव ग्रोव्हर)
राज्यनाटय़ स्पर्धेतील‘तुगलक’ या हिंदी नाटकाचा प्रयोग दि. 24 मार्च 2020 रोजी होणार होता; परंतु कोविडच्या वाढत्या प्रादुर्भावामुळे ह्या नाटकाची तारीख पुढे ढकलण्यात येणार असल्याचे कळविले गेले. ‘थिएटर फॉर थिएटर’ या संस्थेच्यावतीने चंदीगड़ येथे 30 दिवसांचा नाटय़महोत्सव आयोजित केला होता. या महोत्सवात भारतातील काही नाटकांचा समावेश असणार होता. यावेळी मुंबई मराठी साहित्य संघ (नाटय़शाखा) बेताल या संस्थेच्या सहयोगाने दि. 14 फेब्रुवारी 2020 रोजी ‘तुगलक’ या हिंदी नाटकाचे सादरीकरण झाले.त्यास उत्तम प्रतिसाद लाभला.